لم اكن احب العامية فى الوان الكتابة عموما وكنت اشعر ان العامية لم تكتب الا للاغانى فقط
حتى وقعت عيناى على كلماته التى اثرت فى تفكيرى ومشاعرى وحسى الفنى بشكل عام
اتحدث عن صلاح جاهين ورباعياته العملاقة التى كنت اتوقف طويلا امام كل واحدة منها مندهشة من السلاسة والبساطة والعمق فى ذات الوقت
وقد سمعت كثيرا انه كان يرسم كاريكاتير مدهش يثبر غور المجتمع فيه بالامه واحلامه فكان تعبيرا عن الام البسطاء
اسمحولى ان اكتب بعض من تلك الرباعيات اتى اثرت فى ربما تشعرون معى بكلماتها
انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
اخرس ولكن قلبى مليان كلام
عجبى
قالو الشقيق بيمص دم الشقيق
والناس ماهياش ناس بحق وحقيق
قلبى رميته وجبت غيره حجر
داب الحجر ورجعت قلبى رقيق
عجبى
دخل الربيع يضحك لقانى حزين
نده الربيع على اسمى لم قلت مين
حط الربيع ازهاره جنبى وراح
وايش تعمل الازهار للميتين
عجبى
حبيت لكن حب من غير حنان
وصاحبت لكن صحبه مالهاش امان
رحت لحكيم واكتر لقيت بلوتى
ان اللى جوه القلب مش ع اللسان
عجبى
مهبوش بخربوش الالم والضياع
قلبى ومنزوع م الضلوع انتزاع
يا مرايتى ياللى بترسمى ضحكتى
يا هلترى ده وش ولا قناع
عجبى
انا كل يوم اسمع فلان عذبوه
اسرح ف بغداد والجزاير واتوه
ماعجبش م اللى يطيق بجسمه العذاب
واعجب من اللى يطيق يعذب اخوه
عجبى
ارجو الا اكون قد اطلت عليكم فالابيات الجميله كثيرة
الخميس، 25 يونيو 2009
الاشتراك في:
تعليقات الرسالة (Atom)
الأخت الفاضلة: أم محمد
ردحذفالسلام عليكم ورحمة الله وبركاته
أنا معك أن استخدام صلاح جاهين للعامية هنا فى الرباعيات عبقرى...
لكن أنا لاأؤيد الكتابة بالعامية وخاصة فى عالم التدوين لأن عالم التدوين يجمع طائفة من كل الأقطار العربية واللغة العربية هى اللغة الوحيدة التى تجمعنا والتى تمكنا جميعاً من التواصل المفهوم .
مع تقديرى واحترامى
أخوك
محمدالجرايحى
ملحوظة : مدونتى لاتشترط كتابة الإيميل فى التعليق
يمكنك ترك خانة الإيميل فارغة
وعليكم السلام ورحمة الله وبركاته
ردحذفاخى محمد الجرايحى
فعلا انا اؤيد كلامك واحب جدا الكتابة والقراءة بالفصحى
على الرغم من انتشار العامية بين المدونين بشكل كبير
اشكرك للمتابعة
خالص احترامى ومودتى
اه صلاح جاهين ده ياما الواحد بيسرح مع رباعياته
ردحذفيعني من اجمل الرباعيات اللي بتعجبني و اللي حفظتها من حلاوتها :
ولدي نصحتك لما صوتي اتنبح
متخفيش من جني و لا من شبح
و هب فيك عفريت قتيل اسأله
ما دافعش ليه عن نفسه يوم ما اندبح
و طبعاً فيه بيرم و الابنودي و فيه عمالقه في العاميه يعني ........... اشكرك و تحياتي
اللة اللة اللة ليس الابيات اللي جميلة الجمال كلة في اللي اختار هالتحفة وقدمها لنا ياعم مصاري يعني الديناسلام للك وعليك اقبل يداكي يا اروع اوراق في المدونات قديمة لانها كنز الكنوز دمتي بخير يا مولاتي تابعي جديدي في الشيطان والمط انتي من الاقلام المهمة بالنسبة نوريني
ردحذفأنا كمان الى حببنى فى العامية برده صلاح جاهين
ردحذفتسلم ايدك
دمت بكل الود
السلام عليكم ام محمد هانم
ردحذفتحياتى
دمت بكل الخير
بارك الله فيكى وفى محمد وابو محمد
اشكرك على دعواتك للحاجه ام اسامه
اما عن صلاح جاهين فكان فنان شامل بمعنى الكلمه
يحس بالكلمه وينطقها بسلاسه ويكتبها بسلاسه
كان رساما وكان شاعرا وكان ممثلا وكان موسيقيا يعزف ويغنى ويلحن وكان مؤلفا للموسيقى والاغانى
رحم الله صلاح جاهين الفنان الشامل
تحياتى
السلام عليكم
ردحذفأشكرك على هذه الجرعه الشعريه والفلسفيه العاميه
فلها طعما خاص
ودمتِ بخير وزواقه
سلام يا ام محمد
ردحذفاتمنى ان تكوني بالف خير
جميلة اوي رباعيات صلاح جاهين و معبرة
اتمنى لو تعرفي لينك من اجل تحميل دواوينه ترسليه الي
مودتي
السلام عليكم
ردحذفصلاح جاهين لو كتبت فية عمري كلة
مخلصي او اشبع من الكلام عنة
مين في كافة طبقات الشعب محسش كلماتة
او عاشها مين فينا محسش نفسة داخل كلماتة وحروفة
اعتقد ان الايقرأ لصلاح جاهين يحس نفسة او يحس ان
الكلمات دي انكتبت لية هو
عجبتني جدا اختياراتك
انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
اخرس ولكن قلبى مليان كلام
قالو الشقيق بيمص دم الشقيق
والناس ماهياش ناس بحق وحقيق
قلبى رميته وجبت غيره حجر
داب الحجر ورجعت قلبى رقيق
حبيت لكن حب من غير حنان
وصاحبت لكن صحبه مالهاش امان
رحت لحكيم واكتر لقيت بلوتى
ان اللى جوه القلب مش ع اللسان
مهبوش بخربوش الالم والضياع
قلبى ومنزوع م الضلوع انتزاع
يا مرايتى ياللى بترسمى ضحكتى
يا هلترى ده وش ولا قناع
انا كل يوم اسمع فلان عذبوه
اسرح ف بغداد والجزاير واتوه
ماعجبش م اللى يطيق بجسمه العذاب
واعجب من اللى يطيق يعذب اخوه
لمسوني جدا وقطرت لهم عيناي
تقبلي اعتذاري علي التاخير
اهديك دولة النساء كتبتها لكل ام وانتي اختي ام محمد ام رائعةتسحتقين هذا الكلام ولن نفي قدر الامهات مهما قولنا
ردحذفأروع الأشعار كتبت باللغة العربية الفصحى
ردحذفولكن هناك بعض المتمكنين من العامية ويجيدون التأليف بها وأشهرهم صلاح جاهين
وعندما يستخدم العامية نشعر أن الفكرة لا تصلح إلا بالعامية لتمكنه منها الأمر الذى لا يستطيعه الكثيرون
ففيها الكلام المؤثر :
انا كل يوم اسمع فلان عذبوه
اسرح ف بغداد والجزاير واتوه
ماعجبش م اللى يطيق بجسمه العذاب
واعجب من اللى يطيق يعذب اخوه
فغلاً رائعة ، والأروع كما قال محمدالجرايحى التحدث باللغة العربية
واسمحى لى أختى أنى علقت دون استئذان فهذه أول زيارة لمدونتك
تقبلى تحيتى
قلبى رميته وجبت غيره حجر
ردحذفداب الحجر ورجعت قلبى رقيق
عجبي و فعلا عجبي الكلام دة بسيط اوى بس بيدخل القلب على طول بجد تسلم ايدك